🟩 Rasmiy munosabat

So‘nggi kunlarda ijtimoiy tarmoqlarda Andijon tumani maktab va maktabgacha ta’lim tashkilotlarida "Dunyo sadolari" gala konserti uchun pul yig‘ilayotgani haqida asossiz xabarlar tarqalmoqda.

📢 O‘zbekiston Respublikasi Madaniyat vazirligi Andijon viloyati Madaniyat boshqarmasi ushbu xabarlarga qat’iy raddiya bildiradi.

✅ Boshqarma tizimidagi biror tashkilot yoki tuman madaniyat bo‘limlari tomonidan konsert tadbirlari uchun pul yig‘ish holatlari aniqlanmagan.

🛑 Bunday harakatlar na Madaniyat vazirligining, na viloyat boshqarmasining siyosatiga mutlaqo to‘g‘ri kelmaydi.

📌 Shuni alohida ta’kidlaymizki, Madaniyat boshqarmasi tizimidagi barcha tadbirlar qonuniy asosda, homiylik va tashkiliy-ijodiy hamkorlik asosida tashkil etiladi.

🟢 Kelgusida ham bu kabi holatlarga yo‘l qo‘yilmasligi qat’iy nazoratda bo‘ladi.

📞 Agarda bu kabi noqonuniy harakatlar haqida aniq ma’lumotga ega bo‘lsangiz, rasmiy manzillarimiz orqali murojaat qilishingizni so‘raymiz.

Andijon viloyati Madaniyat boshqarmasi Matbuot xizmati