🎓 Ilm va san’at yo‘lida ilk qadam – diplom tantanasi!

📍 Andijon viloyati Madaniyat boshqarmasi tasarrufidagi Tolibjon Sodiqov nomidagi 7-son musiqaga ixtisoslashtirilgan maktab-internatida 2024–2025 o‘quv yili yakunlariga bag‘ishlangan bitiruv marosimi bo‘lib o‘tdi.

📚 Joriy o‘quv yilida barcha yakuniy davlat imtihonlari muvaffaqiyatli tarzda yakunlandi. O‘z bilim va san’at yo‘nalishidagi iqtidorini namoyon etgan 25 nafar 11-sinf bitiruvchi maktabni tamomladi.

🎶 Bu yoshlar nafaqat umumiy ta’lim bilimlarini, balki musiqa sohasidagi ixtisoslik bo‘yicha ham chuqur bilim va ko‘nikmalarni egallab, sahnada o‘z mahoratini namoyish etish darajasiga yetishdi.

🌟 Bu kun nafaqat bitiruvchilar, balki ularning ustozlari uchun ham faxr-iftixor va quvonchli lahzalarga boy bo‘ldi. Zero, san’at yo‘lida ilk qadam qo‘ygan har bir yosh — Vatan madaniyatining yorqin kelajagidir.