"Andijon polkasi" – Milliy raqsning jozibasi va ijodiy uyg‘unligi bayrami!

🗓 2025-yil 16-iyun kuni Andijon viloyati Andijon tumani Bobur shahrida joylashgan “Ziyolilar bog‘i” hududida milliy raqs san’atining yorqin namunasi — “Andijon polkasi” raqs ijrochilari festivali katta tantana bilan bo‘lib o‘tdi.

Viloyat miqyosidagi madaniyat sohasidagi muassasalar va ijodiy jamoalarni bir joyga jamladi. Unda Madaniyat markazlari, bolalar musiqa va san’at maktabi hamda boshqa ijodkorlar ishtirok etishdi.

🎶 Festival doirasida turli yoshdagi ishtirokchilar tomonidan “Andijon polkasi”ning turfa uslubdagi ijrolari taqdim etildi. Har bir chiqish o‘ziga xos sahnalashtirish, liboslar, harakat ritmi va badiiy ifodasi bilan tomoshabinlarda katta taassurot qoldirdi.

💫 Raqs ijrochilari nafaqat san’atdagi mahoratini, balki xalqimizning nozik didi, milliy qadriyatlar va urf-odatlarga bo‘lgan hurmatini ham aks ettira oldi. Ayniqsa, yoshlarning sahnadagi ishtiroki ularda milliy raqsga bo‘lgan mehrning kuchli ekanini namoyon qildi.

📸 Tadbir davomida madaniyat sohasida faoliyat yuritayotgan ustozlar, talaba yoshlar, ijodiy jamoalar o‘zaro tajriba almashish, o‘z san’atini namoyish etish imkoniga ega bo‘ldi.

🌟 Bunday festivallar milliy raqs san’atini targ‘ib qilish, iqtidorli yoshlarni kashf etish hamda madaniyatimizni yangi bosqichga olib chiqishda muhim ahamiyat kasb etadi.

📍 “Ziyolilar bog‘i”da bo‘lib o‘tgan ushbu rang-barang va ruhiy tetiklik ulashgan tadbir tomoshabinlarga estetik zavq, san’atga bo‘lgan muhabbat va g‘urur baxsh etdi.