Andijon viloyati madaniyat boshqarmasi tasarrufidagi Marhamat tumani 5-sonli bolalar musiqa va san’at maktabida 2024-2025-o‘quv yili uchun sarhisob hisobot konserti dasturi bo‘lib o‘tdi.

Tadbirni maktabning "Yulduzcha" xor jamoasining diltortar qo‘shiqlari, ansambl ijrosidagi jonli shou ochib berdi.

Fortepiano va skripkada ijro etilgan jahon klassik asarlari durdonalari,dutor va fleyta cholg‘ularining milliy kuylar jilosi konsertga fayz bag‘ishladi.

"Nastarin" dutorchi qizlar dastasi va an’anaviy xonandalik sinfi o‘quvchilarining "Ohangrabo" ansambli mumtoz qoshiqlari tomoshabinlar olqishlariga sabab bo‘ldi. Raqqosa qizlar raqslari va teatr sinfi o‘quvchilarining quvnoq chiqishlari tomoshabinlarga zavq bag‘ishlab, davrani o‘zgacha qizdirdi.

Shuningdek mehmonlar maktab foyesidagi bitiruvchi o‘quvchilar tomonidan yaratilgan ajoyib rassomchilik namunalari va did bilan bezatilgan konsert zalini e’tirof etdilar.